zena@francobampi.it

Amîxi: chi se pàrla e se scrîve SÔLO in ZENÉIZE!

A grafîa dêuviâ into scîto a l'é a grafîa ofiçiâ de l'Académia Ligùstica do Brénno
Quàttro bonboìn
O Decàlogo da Léngoa Zenéize
E profeçîe de Sànta Brìgida
I Zenéixi e o mâ
Indovinéllo
Ve conséggio de dâ 'n'eugiâ a-a rivìsta ZENA (chi gh'é o nùmero d'òtôbre-dexénbre 1958): 'na lecàia! Tùtta in zenéize!

A coixitæ: zenéize ò lìgure?

I Beatles in zenéize

In figeu ch'o réçita in zenéize!

Ciànzi, câo schéuggio Canpànn-a,
l'angonîa te l'àn sunâ.
E t'æ sfidòu l'îra pizànn-a
t'æ sfidòu l'îra do mâ!
[a cansón intrêga]

Cansón popolâre

Marinétta patélla de schéuggio
ànche a ti cómm'a-o schéuggio Canpànn-a
l'angonîa a t'é stæta sunâ!...
[a poexîa intrêga]

Doardin Firpo

Pe-a sconpàrsa do schéuggio canpànn-a,
quànde avéivimo a Tùrsci o Barón,
no gh'é stæto, vò-u zûo perdiêsànn-a,
chi se ségge azardòu a fâ o moscón:

ànsi a tùtti l'idêa a l'é piâxûa
d'avéi présto 'na stràdda in sciô mâ,
dove andâsene a stæ pe frescûa
e a l'invèrno pe poéise asoigiâ
[a poexîa intrêga]

Gìggi Tramalón

O schéuggio Canpànn-a, dîto coscì da-a génte pe-a seu fórma, o s'erzéiva da-o mâ pròpio sótta a-a scainâ de Sànt'Antögno. O stâva li, chi òu sa da quànti sécoli, davànti a quélli gréndi èrchi che gh'é da-e miâge da Mænn-a.

Vèrso a fìn do mìlle éutto çénto són incomensæ i loéi pe-a costruçión da stràdda intitolâ a-o Prìnçipe Òdón (ancheu ciamâ Córso Maurizio Quadrio ò, con 'n'âtra paròlla, Circonvalaçión a mâ). Védde òua a stràdda ch'a vegnîva avànti pâ de védde un móstro ch'o sò-u veu mangiâ. Coscì l'é sucèsso: o schéuggio Canpànn-a o l'é sparîo, covèrto da-e prîe e da-o zétto che gh'àn caciòu adòsso pe fâ a nêuva stràdda in sciâ rîva do mâ zenéize.

Pe réndive cónto de quànt'o l'é cangiòu o pòsto dôve gh'êa o schéuggio Canpànn-a, amiæ un pö chi (gh'é da aspêtâ dötréi segóndi perché se càreghe o programìn). S'éi vìsto quéllo che v'ò apénn-a indicòu, alôa poéi acapî perché dêvo dî un grànde gràçie a-o Pòulo Micai pe-o seu mâvegiôzo scîto, da dôve ò pigiòu l'animaçión de prìmma.

I zenéixi ghe voéivan bén, a-o schéuggio Canpànn-a, ma o progrèsso (de lóngo lê!) o l'à segnòu a seu fìn.

Fémmo che no ségge coscì pe-a nòstra léngoa,

o Zenéize!


E démose da fâ de mòddo che no sucêda a Zêna quéllo che o Loîgi Ansèlmi o l'avéiva descrîto into 1958 pensàndo a 'na Zena do 1992 e, fòscia, o no l'avéiva vìsto goæi mâ.

O zenéize o l'é a réizego de sparî?

Gli esperti dichiarano che una lingua è in pericolo quando il 30 per cento dei bambini appartenenti ad una comunità cessano di impararla

Mah! In ògni mòddo anæ a lêze quéllo che gh'é scrîto chi: lingue in estinzione

Se peu êse "bilìngoi"?

A risposta a l'é sci. Pe savéine de ciù, anæ inte quésto scîto
biliguismo.regionale
inbastîo pròpio pe mostrâ sto fæto.

Lo scopo di questo sito è quello di aiutare le famiglie italiane a conoscere e capire l'importanza del bilinguismo regionale, servendoci delle ultime ricerche scientifiche per separare i miti dalla realtà

Se vàddo pe mâ o tùrco o me pìggia,

se vàddo pe tæra o sàrdo o m'amàssa.

Antîgo dîto de Cadezédda

O cartéllo Zêna

Da lêze: écco a discusción in sciô cartéllo ZENA
Nòtta. Se vixìn a 'na paròlla gh'é a balétta alôa andàndoghe adòsso co-a fréccia do "ràtto" (mouse) se peu lêze a traduçión in italiàn de quélla paròlla.

Se séi apascionæ da léngoa zenéize, no poéi no vixitâ
o scîto de l'amîgo Conrad.

Se séi ascì interesæ a-a stöia de Zêna e da Ligùria,
alôa no poéi pèrdive quéllo che gh'é inte st'âtri mæ doî scîti:
Il caso Liguria
Cose di Genova e di Liguria

e inti scîti
M.I.L. - Movimento Indipendentista Ligure
Liguria Indipendente

in çimma da pàgina