zena@francobampi.it
Inderê


Indovinéllo


Drént'a 'n bòsco in caciòu o l'atrêuva 'n mâvegiôzo fò, con tànte féugge, pìn d'öxelétti a-i quæ o dîxe:
«Bón giórno, bélli mæ çént'öxélli!»
O càppo di öxélli, tùtto conténto, o ghe rispónde:
«Bón giórno a voî, ma no sémmo çénto!
Sémmo tànti
che se fîscimo âtretànti,
ciù a meitæ de tùtti quànti
in ciù o vòstro bèl'incóntro
saiêscimo çénto bél'a pónto.»

Domànda: quànti són i öxelétti in sce l'èrbo?

Sciàcca chi pe lêze a rispòsta

I öxelétti son 33. Écco o cónto ch'o l'é 'na sómma.

Sémmo tànti (nùmero di öxelétti = x)
che se fîscimo âtretànti, (sàiva a dî âtri x)
ciù a meitæ de tùtti quànti (che són x + x = 2x; a meitæ = x)
in ciù o vòstro bèl'incóntro (sàiva a dî 1)
saiêscimo çénto bél'a pónto.» (a sómma de quàttro rîghe chi de d'âto a dêve fâ 100)

Écco alôa l'equaçión: x + x + x + 1 = 100
3x = 99 e quìndi x = 99/3 = 33

Inderê