Un pö de grafia
zeneise@francobampi.it
 

Intrâ > A rivìsta Zêna > Un pö de grafia
[ Inderrê ]
Pagina primma ] Pagina doppo ]

E regole chì sotta son quelle scrïte in sciä rivista Zena. Ancheu se preferisce deuviâ regole ûn pö differenti. Quelle che deuvio mi son quelle da grafîa ofiçiâ!

Grafia originale

L'ALFABETO ZENEIZE E A SÒ PRONUNÇIA

E lettere de l'alfabeto zeneize son vintitrê: a b c ç d e f g h i l m n o p q r s t u v x z e han squaexi tutte ô sôn da lengua italiann-a. Però:

  1. a « ç », ch'a se mette davanti a-e vocali « e » « i », a se leze comme unn-a « s » a manëa françeise. Coscì çetron, arancio; conçerto, concerto; çinque, che se lezian setron, conserto, sinque.
  2. a « e » de regola a se pronunzia strèita, fêua che davanti a « r » seguîa da unn-'âtra consonante, comme: erba, erba; persa, maggiorana; inverso,rovescio, ecc. Missa davanti a-e consonanti doppie « f », « l », « s », « t » e anche a « st », a l'ha un sôn irregolare, pronunziandose in tante parolle streita e in tante larga. No poendose determinâ unn-a regola, se segniâ a « e » larga con l'accento grave in te quelle parolle che, se mantegnissan a « e » strèita, avieivan un significato completamente diverso, comme: pesta, pèsta; testo, tèsto; letto, lètto, ecc.
  3. A « n », tanto in prinçipio, quanto in mêzo a-e parolle, a sêunna comme in italian; a se pronunzia nasale quando a l'è in fin de parolla: man, mano; sen, seno; bibin, tacchino; latton, ottone.
  4. E due « nn » in te l'urtima sillaba da parolla, s'arremban â vocale precedente, de moddo che l'urtima vocale a resta staccâ: campann-a, campana; tann-a, tana; cuxinn-a, cucina.
  5. A « o » a segue a stessa sorte da « e ». A l'è larga o strèita a seconda do significato: botte o bòtte.
  6. A « s » a pêu ëse doçe o aspra. A l'è doçe, squaexi comme una « z », quande in t'o mezo da parolla a l'é precedûa da un dittongo o da unn-a vocale sensa accento: ase, casa, tesöu, se lezan comme fossan scrîte aze, caza, tezöu. Aspra a l'é in te sillabe sa, se, si, so quande in t'o mezo da parolla son precedûe da unn-a vocale con accento: fäso, falso; ëse, essere; imböso, capovolto.
  7. A « s » seguîa da due « c », cioè « scc », a se leze comme unn-a « sc » con l'azzunta d'unn-a « c » ciaea: sccetto, schietto; scciavo, schiavo.
  8. A « u » a l'ha ô sôn toscano, comme in punto, muscolo, futta (stizza) ò quello françeise de dûo, duro; condûto, acquedotto.
  9. A « x » a se leze a stessa manea da « j » di françeixi in te parolle baxo, bacio; dexe, dieci.
  10. Anche a « z » a l'ha o sôn doçe e quello aspro. Doçe, in zeo, gelo; zin, riccio marino. Aspro, in ambizion, annunzio, ozio.

(continua)

[ Inderrê ]