A Region e e tradissioin
zeneise@francobampi.it
 

Intrā > Mi chi > A Region e e tradissioin
[ Inderrź ]

LiguriaItaliaEuropa n. 2, 10 settembre 2001

Abbiamo chiesto al professore "genovese" Franco Bampi, di curare una piccola rubrica di Tradizione Ligure. A partire da questo numero troverete spunti sul tema pubblicati in dialetto con la traduzione in italiano.

E tradissioin, e varie lengue da Ligūria, a toponomastica, o tiatro, e cansoin, e poexie, e casasse e i ötöi, son ūn tesciūo vivo da nostra taera, a memöia de 'n passņu ch'o no veu passā, ch'o sciorte de longo da-i recanti do cheu. In sci questi temi a Region Ligūria a l'ha faeto, in to 1990, a lezze n. 32 intitolä «Norme per lo studio la tutela la valorizzazione e l'uso sociale di alcune categorie di beni culturali e in particolare dei dialetti e delle tradizioni popolari della Liguria». Scibben che pagge strano, questa lezze a no l'é mai staeta finanziä!

Con 'na senscibilitae da apprexā pe-e nostre reixe de Ligūri, o Presidente da Region, Biasotti, o l'ha deciso de fā funzionā sta lezze. O l'ha nominņu Vito Elio Petrucci, Massimo Morini e mi in to conseggio scientifico (in to quae gh'é ascģ i professoī Vittorio Coletti, Carlo Maccagni e Massimo Quaini, nominae da-o Rettō dell’Universitae) e o l'ha tiņu feua, pe st'anno chģ, ēento milioin. Da 'n bello pö de meixi o conseggio o sta travaggiando pe mette in funsion a lezze.

In ogni moddo, dotrae cöse beseugna che e digghe. Ēento milioin son propio pochi! Ad exempio, i Sardi, ma i Friulen ascģ, spendan pe queste cöse ciū de 6 miliardi l'anno! O parrią ūn controsenso, ma a Region Sardegna a finansia anche o zeneise daeto che a tūtela o "tabarchin", 'n'antiga parlā de Pėgi ch'a vegne ancon deuviä a Carloforte e Cadasedda, vixin a Cagliari. E poi a lezze a l'é staeta troppo tempo in ta cantia: a sa de relento. Beseugna dāse da fā pe cangiāla, pe arrivā a 'n tčsto ch’o ne permetta pe 'n davvei de valorizzā e dā neuva vitta a-a cultūa da nostra gente, reixe da nostra taera de Ligūria.

Scignoria!
Franco Bampi

P.S. Se voei saveine de ciū in sce questa lezze e in sce quelle de ätre regioin andae all'addresso http://www.francobampi.it/zeneise/lezze.htm

[ Inderrź ]