|
L'amigo Eugenio Bolleri o se dâ pròppio tanto da fâ pe çercâ de tegnî in ordine o camposanto monumentale de Staggen. Pe questo o l'ha misso in pê 'n'associassion ch'a se ciamma Pe Staggen. Giando tra e tombe, ravattandoghe in gîo pe levâghe erba e... rumenta, tante vòtte sciòrte feua quarche poexia in zeneise scrita in scî marmi. Coscì, savendo a mae pascion, o Genio o me manda e fotografie di tèsti che mi metto in sciâ Rae, de mòddo che tutti possan lezili. A grafia a l'e quella originale.
|
