|
QUANDE NO GH'É SAIÄ CIÙ SÔ
Quande gh'é o sô,
ciû ò meno fïto
dûrante a giornâ,
gommio a gommio ti i veddi passâ.
Lê a l'é ûn pö ranga,
l'ommo o porta i spëggetti
che ogni tanto o se i leva
pe ammiâ se son netti.
Assettae in sce 'na banchetta
da maenn-a ò do parco
ogni tanto s'ammian
in ti euggi, ûn con l'ätro.
A l'é questa ûnna cobbia
magari invidiâ
perché sotto a-o sô
a se vedde ancon giâ.
Pochi son quelli
invece che pensan
che fïto ûn dell'ätro
doviä restâ sensa,
e pe quanto sô
in çê ghe saiä
chi ûrtimo resta
no o veddiâ ciû brillâ.
Giuse Casai
|
