Ti t'arràmpeghi sempre ciû sciû
co-a speransa segretta
de vedde davanti a-i euggi
quarcösa de bello.
E ti continui con voentae
ti devi arrivâ.
L'äia finn-a
a te taggia a faccia
e gambe
son rotte da-a fadiga
t'ae coae d'assetâte
ma ti vae.

O spettacolo davanti a ti
o l'é ancon ciû bello
mäveggioso
comme arvî
un libbro de föe.

Lì
quaexi a toccâla
co-e sò insenatûe
o mâ ch'o lûxe d'öu
i strazetti
i erboi ,
i proei
i fiori.

Odoî particolari
de campagna de pan cheutto
de mosto
d'euio.
Lì gh'é a tò Ligûria,
e te manca o cheu.

Luigi Cornetto