Ëan i tempi de 'na votta
quande Berta a fïava
anche con quarche schincapê
a vitta a l'anava:
se neiava
pàiva che tûtto
fise faeto de cotton
i figgieu se demoavan
e i regordi se spassavan
ma ormai a Berta
a l'ha pösòu a rocca.

Ancheu l'é maccaia
semmo stanchi, se sûa
ancheu l'é maccaia
no emmo manco 'n'idea
ancheu l'é maccaia
però l'é importante pensâ
ancheu l'é maccaia
beseugna scrollâse de dosso
questa vigliacca puïa de fâ.

L'é ôa de criâ
co-a raggia ch'han i mòuxi
quande dan di lerfoin a-a scûggëa
e pe davvei comensâ.

Luigi Cornetto