A l'é l'etae de-e ciû belle scoverte
quande i euggi se fan belli e e lerfe vegnan reusa
che s'accorzan quande son co-e gambe averte
che là sotta foscia foscia gh'han quarcösa.

Ghe pä d'ëse vegnûe donne a-e figginn-e
se inte l'intimitae do sò letto
son stûpïe e de feliçitae son pinn-e
se o gh'é spuntòu ûn pei in sce-o corzetto.

Ma l'é ôa che lö vegnan figgette
e se mettan strane idee in te-a sûcca
se vegne 'n belinon o ghe tocca e tette
e o ghe caccia ûn pittin de lengua in bocca.

Ecco a stagion che l'é meuiòu o frûmento
e de coae ne nascian e bûttan tante
semmo arrivae allantô a-o momento
che lö screuvan donde piscia o sò galante

Xeuan in çe tûtti i öxellin
che se pösan stanchi in së ramme
òua son donne, no veuan ciû de gommin
e deciddan che veuan vegnî mamme.

L'é coscì che pe-a gexa son partïe
gh'é parsciûa a mëgio solussion
ma saccorzan doppo poco zà pentïe
che l'ëa megio ûnna becciâ co-o gondon.

Filippo Noceti