Quande l'é seia
'na seia gianca e freida
co-i candiöti
che pendan dappertûtto,
a ûn çerto momento
son stûffo
pe o vento ch'o tïa,
ch'o taggia e o sbraggia,
che pe-e fessûe o s'infïa
e o ne sciorte
con crïi da loî.
Çerco de stâmene a-o cädo
sotto a-e coverte
ammûggiòu, arrensenïo.
Ûn sospïo:
feua o neia!
In to mae cheu,
in to cheu da seia
m'addormo e m'asseunno
d'ëse in primmaveia.

Antonio Fioravanti